國米內亂讓唔起

歐冠盃八強抽籤有分曉，車路士最開心，抽中八隊中最弱的費倫巴治，但進入四強對手係利物浦或阿仙奴，所以邊隊入決賽甚至捧盃，最重要都係實力。至於下線，巴塞羅那較有運，畢竟史浩克○四實力未足以在歐洲稱霸，去到八強有交代；曼聯同羅馬一對冤家又碰頭，今日的羅馬能夠兩回合擊敗皇馬晉級，實力肯定唔嘢小，確實以托迪為重心的羅馬，中前場踢起迪羅斯、阿古蘭尼等人，能唔能夠闖過曼聯一關，關鍵依然係一條演出欠穩的防線。

歐冠盃十六強飲恨的國際米蘭終於可以一心一意爭取意甲三連霸，目前只餘六分領先優勢的國米，近期內外都受困擾，歐冠盃出局打擊大，教練文仙尼又傳同主席鬧不和，要走唔走影響軍心，傷兵又係一個大問題，最慘係季初無堅不摧的鋒線近日死晒火，所以今晚主場對着巴勒莫已經無乜贏波本錢，仲要讓到一球/球半，真係當人“傻豹”。現時有卅六分的巴勒莫，只係同前四的費倫天拿差十一分，聯賽仲有十一場，唔係無機會，何況巴勒莫近期表現唔差，作客要搶一分絕非難事，受讓多值搏。

推介：國際米蘭和1:1