不萊梅破“浪”

今日繼續推介一場足協盃畀大家，雲達不萊梅對格拉斯哥流浪，首回合流浪主場贏兩球，正路入八強機會相當高，但本人一向對英倫三島球隊踢作客都係冇乜信心，而且雲達不萊梅一向入球數字高企，證明攻擊力強勁，今晚主場出擊，要平反敗局並非太難，初盤讓半球/一球，捧硬雲達不萊梅。

雲達不萊梅近況的確唔係太好，上周聯賽三比六敗於史特加腳下，要爭聯賽錦標變得相當渺茫，但該仗亦保持一定入球能力，而足協盃亦係今季最後目標，所以今仗肯定搏到最後。講開入球能力，雲達不萊梅的確威力驚人，洛辛堡、迪亞高、卡拉斯歷及曉高艾美達等都係射得之人，入球分佈相當平均，無論高空轟炸，小組入滲，中距離射門抑或死球戰術，都係威脅力十足，所以今晚要追兩球，我對佢哋有絕對信心。

流浪認真巴閉，數吓數吓都唔知連續廿幾場未輸過波，可能都唔記得個“輸”字點寫，當然，都只係對手問題，蘇超球隊除了些路迪之外，仲有邊隊可以出得大場面，唔怕得罪咁講，流浪出到歐洲賽都唔慌叻得去邊，唔信，今晚就知。

推介：雲達不萊梅 2：0