費倫天拿嗒“糖”

打完歐冠盃之後，今晚又輪到足協盃，揀咗一場勢均力敵之戰，由費倫天拿對愛華頓，兩隊狀態都極佳，相信會係一場精彩激戰。意大利球隊一向主場都相當穩健，費倫天拿亦唔例外，所以今仗稍為睇高些少，尤其是英超球隊踢作客都比較差，初盤費倫天拿只讓平手/半球，值得考慮。

費倫天拿在上周聯賽贏出漂亮一仗，作客打敗祖雲達斯，令到今仗士氣大大提升，雖然有射手梅圖因傷缺陣，攻擊力肯定減弱，但多位中前場球員都係份量十足，辛坦拿與柏辛尼埋門把握力都有番咁上下，中場蒙杜利禾及當拿戴爾有大將風範，一向踢開進攻足球為主的費倫天拿，今晚仍有贏波本錢。

愛華頓近五場全勝，狀態及士氣同樣咁“弗”，但事實上該五場對手實力只屬一般，相對於費倫天拿明顯較弱，今仗肯定更加難打，其實睇過愛華頓幾場英超比賽，其組織能力、進攻瓣數都並非太過銳利，踢法上都離不開傳統英式打法，實際上以體力為主，球隊勝在防守能力唔錯，歷斯確特與約保都夠晒硬淨，今仗相信都係一球上落。

推介：費倫天拿 1：0 ��