安德列治主場值搏

周二晚的歐冠盃都幾冷，阿仙奴響聖西路球場兩球贏AC米蘭簡直係今季代表作，一班小兵鬥志好好，場上的表現完全無輸蝕，更加唔似係作客，最後證明紀錄係要攞嚟破的。另一場冷門賽果，可以話係西維爾主場對費倫巴治，互射十二碼被踢出局，相信佢哋一定好懷念拉莫斯。

今晚歐洲足協盃十六強首回合大戰爆發，奪標大熱拜仁先作客比利時的安德列治，講實力及歐洲賽經驗，拜仁肯定響對手之上，之不過拜仁今季的足協盃作客戰績唔係好靚，所以初盤讓半球/一球唔係咁睇好。本身安德列治實力係次一班，但主場威力唔弱，能夠淘汰波爾多等晉級，靠的就係主場威力，所以首回合受讓有着數。

推介：安德列治和1：1