馬洛卡受讓值博

昨日早上，遠在美國的碧咸終於射入他在美職聯賽的第一球，並協助洛杉磯銀河拿下今季首勝，希望呢個係好的開始，碧咸可以繼續入波，在美國燃起最後的光芒。至於碧咸的前東家皇家馬德里，目前雖然排響西甲榜首，並且有六分優勢，但表現絕對難令人信服，只係皇馬差，別人更差，今屆西甲，誰能封王，都令人有種欠缺霸氣的感覺。

今晚，無乜王者之氣的皇馬將作客馬洛卡，初盤讓平手/半球，就唔係咁令人信服。皇馬上周三比一擊敗西維爾的表現確係近期最好的一仗，但若然唔係西維爾把握唔到機會，皇馬要贏就唔係咁容易。事實上，皇馬的狀態根本未係最好，作客更加無贏波本錢。對上兩次對皇馬都贏波的馬洛卡係一塊硬骨頭，主場表現更加對辦，兩名攻擊球員古爾沙、阿蘭高近期腳風好順，前者今季已入十七球，後者作為進攻中場都有十一球進帳，以兩人的狀態，要攻破皇馬大門並非太困難，受讓值博。

推介：皇家馬德里和1:1