拜仁冇贏波把握

足協盃八強今晚開始踢首回合，第一大熱門拜仁首先主場對住西甲中游球隊加泰，相信大部分球迷都會睇好拜仁會贏波，但老實講，拜仁近期表現毫無霸氣，而且又欠缺穩定性，好明顯已經冇咗以往歐洲強隊風範，今仗可以話可勝而不穩。

善打游擊戰的加泰，近期踢盃賽似乎都有一手，好似西班牙盃已經殺到入決賽，所以千祈唔好睇低呢支西甲球隊，始終西班牙波有番咁上下水準，初盤拜仁讓一球，覺得拜仁要贏兩球難度都幾高，寧博加泰可以守和拜仁。

拜仁在上周聯賽又畀對手摸和，而球員表現只可以用四個字形容“一無是處”，無論進攻抑或防守，踢來鬆散欠缺實際，根本踢唔出強隊風格，可能係集中於今晚一戰而有所保留，但始終對目前的拜仁都係冇乜信心，入唔入到四強都成問題。

加泰近兩場聯賽都係輸波，可能聯賽暫時處於無憂無求位置，所以全力向盃賽方面搏殺，呢班波最叻打突襲，由守變攻，簡單而直接，兩三腳經已構成一次攻門，尤其是伊基查古的門前把握，今晚可能就係呢位仁兄令到拜仁主場失威。

推介：和波 1：1