兩弱相遇和波多

一如所料，歐冠盃八強首回合戰果算正路，阿仙奴同利物浦握手言和，至於車路士作客不敵費倫巴治，智叻星一早講咗，千祈唔好睇小主場出擊的土耳其球隊，能夠響土甲壓着加拉塔沙雷等勁旅，費倫巴治真係有料到，至少人腳方面，一班土耳其國腳加上有點名氣的球星如基士文等，稍一不慎，咪好似車路士咁遭到滑鐵盧囉。

有人話費倫巴治好彩先贏，但係有睇比賽的人應該心中有數，費倫巴治除上半場踢得有點生硬外，換邊後的演出真係唔差，贏波應該。

講返今晚比賽，德甲有場護級大戰，由尾三有廿三分的杜伊斯堡主場對尾四有廿四分的科特布斯，今場波的輸贏，對兩隊的護級有着決定性的影響，兩隊都沒有輸波空間，更不能出現的是和波的兩敗俱傷局面。論實力，杜伊斯堡同科特布斯係同一層次，輸贏好睇臨場發揮，近況亦都差唔多，士氣方面當然兩隊都想贏，至今作客仍未嘗一勝的科特布斯好蝕底，即使一心求和都無乜本錢可言，但係杜伊斯堡又唔生性，主場無乜贏波本錢，所以都係和波居多。

推介：杜伊斯堡和1:1