阿仙奴食硬利物浦

英超兩大名牌，阿仙奴與利物浦由今晚開始，一星期內將會大戰三個回合，首先在歐冠盃內訌，阿仙奴先主場迎戰利物浦。聯賽錦標利物浦已經被“out”，而阿仙奴亦要睇人面色，所以實質上，歐冠盃就係兩隊今季唯一希望，所謂“知己知彼，百戰百勝”，兩隊交戰多年，點踢法大家都心中有數，今仗勝負之分，就要睇雙方領隊如何調兵遣將，戰術部署以及球員場上發揮。

如果講經驗，相信好多球迷都會認同踢慣歐洲賽的利物浦會較為佔優，今仗作客至少可以不敗，但其實諗深一層，兩隊近六次碰頭，阿仙奴係佔到一定優勝，取得四勝一和一負紀錄，即係話今仗只要當聯賽咁打，阿仙奴贏面仍然睇高一線，初盤阿仙奴讓平手/半球，都係捧兵工廠。

阿仙奴上周聯賽反勝保頓，對今晚一戰確係打支強心針，亦都證明呢班年青人並未放棄任何一場比賽，只要今晚繼續保持爭勝決心，有望可取得領先首回合優勢。紅軍在打吡戰一球險勝愛華頓，謝拉特、托里斯、古爾特及艾朗素等搏到最後，體能上都受到影響，面對速度及侵略性打法的阿仙奴，紅軍確係輸蝕。

推介：阿仙奴 2:1