費倫巴治受讓值博

開賽時間 周四02:45

歐冠盃今晚又有兩場八強大戰上演，阿仙奴主場對利物浦的“英紅會”最有睇頭，但感覺好似睇英超，好難投入到係歐冠盃，所以車路士作客土耳其的費倫巴治，反而更有歐洲賽的氣氛，絕大部分的評論都睇好車路士可以作客贏波，賭波公司更開出讓平手 / 半球的盤路，老實講，智叻星更睇好係費倫巴治。

講人腳，有林柏特、泰利、杜奧巴、布歷克、祖高爾、艾辛等球星押陣的車路士，當然贏費倫巴治成條街，但講到狀態同鬥心，有主場之利的費倫巴治更高，因為在英超仍是壓力重的車路士，首回合作客肯定以穩為主，未必會同費倫巴治鬥攻，若然一心踢穩守突擊，車路士有能力可以全身而退，所以讓波就好危險。費倫巴治能夠贏國際米蘭、殺退兩屆足協盃冠軍西維爾入八強，絕對唔係嘢小，若然車路士唔擺好位置及調整好心態，今晚遭遇滑鐵盧唔出奇。因為睇返在國內聯賽居首的費倫巴治的人腳真係唔差，迪蘇沙、基士文、阿歷斯和卡路士都係有實力、有經驗的大將，近四場波錄得四連勝入十三球只失三球的攻守，足令車路士的防線感到頭痛，所以受讓，寧博費倫巴治。

推介：費倫巴治和1:1