羅馬曼聯和波格

歐冠盃八強首回合今晚展開，冤家路窄，羅馬今季再遇曼聯，晉級機會相信比較渺茫，始終近兩季都畀曼聯食住，信心自然大打折扣，寄望今晚主場踢出漂亮一仗，響首回合攞到優勢。曼聯近期氣勢如虹，數完利物浦數維拉，兩場攻入七球，以兩隊大打進攻足球及入球能力，今仗好大機會大手交易，推介和波收場兼且入球開大。

羅馬周日聯賽又再失分，聯賽錦標又受挫折，不過，整場比賽超過二十次攻門，贏唔到都無話可說，但流暢組織、悅目攻勢仍不失強隊風範，陣中一班經驗十足戰將仍保持穩定水準，只要今晚主場踢出鬥心，相信對曼聯會構成一定威脅，況且曼聯亦冇一定贏波把握，至少曼聯近兩季作客只係一和一負，始終首回合曼聯都會踢得較為謹慎。

聯賽四連勝，衛冕英超在望，一班紅魔士氣十足，重奪歐冠亦係球會上下極渴望的錦標，C朗、朗尼及迪維斯等一班攻擊球員頻有“士哥”，好明顯，兩隊球員狀態，曼聯稍為優勝，之不過，踢作客唔多唔少有所保留，話唔定返回主場先再發揮威力，所以今仗和波合理。

推介：和波 2:2