復活節假期前好多隻股插水，現時唔少藍籌股落番低位，如果手頭上冇乜蟹貨，係時候實個市準備出擊。荷甲大藍籌飛燕諾正處升勢，今晚作客同市兄弟兵鹿特丹斯巴達料可順利贏波，目前客勝分頭不俗，可作為全晚投注重心。（周日晚9時30分開賽）  

阿積士大盤飛到   
 
 飛燕諾貴為荷甲三大班霸之一，實力當然雄厚，但係近年發展只屬一般，始終威脅唔到兩大死敵阿積士同燕豪芬。今季球隊演出有復甦�鞠螅�雖然好難追到榜首燕豪芬，但保住前三位置應不成問題。睇埋飛燕諾近期成績，球隊連續三場贏波贏盤，走勢穩步上揚，值得重視。

今場係鹿特丹市打�軕穑�一對兄弟兵實力差好遠，飛燕諾近六次對鹿特丹斯巴達全部贏波，一面倒恰死對手。目前客W賠率超過1.8倍，分頭唔錯。雖然鹿特丹斯巴達連續兩仗主場贏波，但對手只係烏德勒支同洛達，難與飛燕諾相提並論。莊家今場抬高客勝賠率，令值博率更高，客W夠穩。

另一荷甲班霸阿積士今季成為名牌毒瘤，作客多番熱倒，但礙於球隊名氣大，所以今晚造訪川迪仍然要讓波，實在唔抵玩。川迪上仗主場四比三擊敗維迪斯，反映球隊攻強守弱特性，今場大盤有晒飛到，值得一試。