聯賽盃曲終人散，本地波焦點又去番甲組聯賽，今晚六時旺角場有一場聯賽獨腳戲，由次席�鞴�民火併康宏晨曦，首循環聯賽晨曦贏三比二，再度相逢，取勝機會亦較高。

今晚賽事對聯賽爭標形勢都有影響，公民現時落後榜首南華七分，球隊上下深信仲有得追，而未來三仗，包括今晚對晨曦，周六對傑志，同四月五日火併南華，足以左右南華能否提前奪冠�髅�運，而公民亦在官網講明，會全力踢好未來三仗，唔會畀南華咁快捧盃。

王選宏停賽  
 
公民今季憑一班大連借將，加上球員夠團結，一直保持甚佳演出，不過自從聯賽盃分組賽出局後，已經整整一個月冇比賽，而射手王選宏又要停賽，故今晚能否踢出水準實在難講。

比起久疏戰陣�鞴�民，康宏晨曦三月份踢�薅鄨鲇舱蹋�包括聯賽盃四強不敵傑志，半隊波北上上海對銀河，之後在聯賽與寶路華流浪踢成一比一，只要發揮正常，晨曦今仗贏面始終高一線。