今晚國際熱身賽重頭戲，法國主場硬撼英格蘭，客軍遠較對手齊腳，並有碧咸第一百次代表英格蘭，作客都未驚過。法國主力亨利、賓施馬及韋拉均因傷缺陣，列貝利獨力難支；卡比路剛上任第二場，仍要爭取表現，呢場穩打穩紮坐和望贏，受讓平半下盤筍。（now 634周四凌晨4時直播）  

亨利賓施馬齊�灯�    

 雙方對上一次碰頭，已經係四年前歐國盃決賽周賽事，雖然咁耐冇鬥，但雙方好多球員都熟到爛，對彼此打法好熟悉，今場法國雖有主場之利，但應該佔唔到特別優勢。主隊�☆^杜明歷今次點兵困難，因為唔少主力都有傷踢唔到，當中包括隊長韋拉及射手亨利，而國家隊新貴賓施馬亦因傷冇入選，嚴重影響球隊攻力。雖然前線仲有查斯古特同安歷卡，但前者高峰期已過，後者對住車路士隊友泰利，亦必冇啖好食。

五人中場食住法國  
 
法國一向靠中場線搵食，但今場指揮官列貝利，將會遇上謝拉特、林柏特、巴利、碧咸及祖高爾五人中場，兩隊硬撼，英軍無論實力、經驗及狀態，都比對手有過之而無不及，正所謂得中場得天下，「三獅兵團」呢場唔輸蝕。另外，碧咸取百場�雒保�鬥心毋庸置疑，有佢壓陣，客軍爭勝心分分鐘凌駕主隊。

卡比路執掌英軍冇耐，上仗「處子領軍」贏瑞士，表現不過不失，今場鬥豪強係佢首個真正考驗，一定高度集中務求省靚招牌。卡比路屹立球壇幾十年，唔係浪得虛名，呢次將以穩守為先，預料法國咬唔入對手，受讓平半抵到爛，進取�饕�埋英格蘭W都仲得。