又到國際熱身賽日，兩支今夏歐國盃主辦國瑞士同奧地利主場出師，當中瑞士巴素利主場迎擊歐國盃奪標大熱門德國，雖然德軍實力上佔有一定優勢，不過今次點兵人腳唔夠均衡，明顯有前冇後，面對全力出擊為歐國盃造勢瑞士，客W開到2倍咁好分可見信心不足，黑柴認為今場入波一定唔會少，1.9倍入球大比客W更加穩陣。（now 632周四凌晨3時45分直播）
今場係德國歷史上第八百場國際賽，亦係佢國家隊出師百年慶典前最後一場比賽（該國第一場國際賽一九○八年四月舉行，咁橋當時亦同一球場對同一對手瑞士），今場賽事紀念意義重大。
兩軍防線唔齊腳
領隊勒夫聲言盡遣精銳出擊，尤其中前場更加有如軍備檢閱，由近期德甲晒火「超級馬里奧」馬里奧高美斯領軍，加上高路斯同古蘭爾，正選箭頭競爭已經好激烈，何況後備席上仲有愈踢愈進步傑斯寧，而且進攻中場好手雲集，波歷克回歸固然係利好消息，而路菲斯、希斯佩加同埋舒韋恩史迪加都係攻優於守中場，更加豐富佢進攻瓣數。
不過，德國最大問題係防線，梅斯達同賀夫都因傷未能入選，令佢後防只有五名球員可以用，當中只有梅迪薩卡一個係正宗中堅，近期史浩克04已經改踢左後韋斯達文焗住重操故業，佢同梅迪薩卡過去合作機會唔多，加上芬寧斯剛傷愈未有入選，球隊欠缺具級數防守中場，而久疏戰陣老門將列文亦係計時炸彈，更添防線隱憂。
瑞士今仗重召多蒙特箭頭阿歷山大費爾入伍，佢同力利華古遜巴尼達對德軍防線問題有深入了解，絕對有機會搵到位入波，不過佢防線同樣陣容不整，力史特加麥連因傷退隊，而拉素守將比哈美亦有傷未必趕及上陣。今場大家都冇穩守本錢，對攻之下捧「大」數。
温馨提示：直接搜索“901”可以快速找到本站，获取更多精彩分析
您当前的位置：
减小字体
增大字体